Qazaxıstanda parlament seçkilərinin ilkin nəticələri açıqlandı

Qazaxıstan Mərkəzi Seçki Komissiyası (MSK) parlamentə (Qurultay) keçirilən seçkilərin ilkin nəticələrini elan edib.

hadiseler.info xəbər verir ki, elan olunmuş göstəricilərə əsasən, 5 faizlik baryeri keçməyi bacaran beş siyasi partiya yeni parlamentdə təmsil olunmaq hüququ qazanıb.

Səsvermənin ilkin nəticələrinə görə, “Ədilet” partiyası 71,17%, “Auıl” Xalq-Demokratik Vətənpərvər Partiyası 6,26%, “Respublika” partiyası 5,56%, “AK jol” Demokratik Partiyası 5,21% və Ümummilli Sosial Demokrat Partiyası 5,11% səs toplayaraq parlamentə vəsiqə qazanıblar. 5%-dən az səs toplayan “Qazaxıstan Xalq Partiyası” (3,10%) və “Baytak” Qazaxıstan Yaşıllar Partiyası (1,7%) isə parlamentdən kənarda qalıb.

Qazaxıstan MSK-nın sədri Nurlan Abdirov bildirib ki, seçkilərdə fəallıq yüksek olub – 9,35 milyondan çox seçici, yəni səsvermə hüququ olan vətəndaşların 73,8%-i prosesdə iştirak edib.