Qazaxıstanda Xəzərdə təlim zamanı facə: 9 hərbçi həlak olub

Qazaxıstanın Manqistau vilayətində Xəzər dənizində keçirilən təlimlər zamanı ağır faciə baş verib.

hadiseler.info xəbər verir ki, hava şartlərinin kəskin pisləşməsi və güclü külək nəticəsində 19 hərbçini axın aparıb. Hadisə nəticəsində 9 hərbçi həlak olub, 3 nəfər xilas edilib, 1 nəfər isə xəstəxanaya yerləşdirilib. Digər hərbçilərin axtarışları davam etdirilir.

Hadisənin səbəblərinin araşdırılması məqsədilə Baş nazirin müavini Kanat Bozumbayevin rəhbərliyi ilə hökumət komissiyası yaradılıb. Baş nazir Oljas Bektenovun tapşırığı ilə komissiya hadisə yerinə yollanıb. Komissiyanın tərkibinə müdafiə naziri, Manqistau vilayətinin akimi, aidiyyəti nazirliklərin, Baş hərbi prokurorluğun və Sərhəd Xidmətinin nümayəndələri daxil edilib.

Eyni zamanda, komissiyaya həlak olan hərbçilərin ailələrinə lazımi köməklik və yardımın gösterilməsi ilə bağlı tapşırıq verilib.