Qida təhlükəsizliyinə dair 2027−2032-ci illər üçün Dövlət Proqramı təsdiqləndi

Azərbaycan Respublikasında qida təhlükəsizliyinin təmin edilməsinə dair 2027−2032-ci illər üçün Dövlət Proqramı təsdiq edilib.

hadiseler.info xəbər verir ki, Prezident İlham Əliyev bununla bağlı müvafiq Sərəncam imzalayıb.

Sərəncamdan irəli gələn əsas vəzifələr və tapşırıqlar aşağıdakı kimi müəyyən olunub:

 Nazirlər Kabineti: Sərəncamdan irəli gələn məsələləri həll etməlidir.

 Azərbaycan Qida Təhlükəsizliyi Agentliyi (AQTA): Proqramda nəzərdə tutulmuş tədbirlərin əlaqələndirilməsini, icrasına nəzarəti həyata keçirməli və tədbirlərin icra vəziyyəti barədə ildə bir dəfə Azərbaycan Prezidentinə məlumat təqdim etməlidir.

 İqtisadi İslahatların Təhlili və Kommunikasiya Mərkəzi: AQTA-nın sifarişi əsasında tədbirlərin icrasının monitorinqini və qiymətləndirilməsini aparmalıdır.

 Maliyyə Nazirliyi və İqtisadiyyat Nazirliyi: AQTA ilə birlikdə hər il dövlət büdcəsi və dövlət investisiya proqramlarının tərtibi prosesində lazımi maliyyə vəsaitinin nəzərdə tutulması üçün tədbirlər görməlidir.