Bakıda plastik əməliyyatdan sonra iflic olan Nigar vəfat etdi-FOTO  

Bakıda plastik əməliyyat etdirəndən sonra sağlamlığını itirən 34 yaşlı Nigar Budaqlı dünyasını dəyişib.  

hadiseler.info xəbər verir ki, N.Budaqlı keçən ilin aprel ayında “MedAura” klinikasında keçirdiyi rinoplastika (burun) əməliyyatından sonra ağır vəziyyətə düşərək iflic olub. Uzun müddət yataq xəstəsi kimi müalicə alan qadının həyatını xilas etmək mümkün olmayıb.  

Xatırladaq ki, faktla bağlı açılan cinayət işi üzrə Nəsimi Rayon Məhkəməsinin hökmü ilə LOR-estetik cərrah Yaqub Əsədi və anestezioloq Cəmilə Əliyeva səhlənkarlıqda təqsirli bilinərək 3 il müddətinə azadlıqdan məhrum ediliblər. Həmçinin hər iki həkimin 2 il müddətinə tibbi fəaliyyətlə məşğul olmasına qadağa qoyulub.