Ruslan Əlixanov vəzifəsindən azad edildi

Azərbaycan İnvestisiya Holdinqinin (AİH) rəhbərliyində mühüm kadr dəyişikliyi baş verib.

hadiseler.info xəbər verir ki, Holdinqin baş icraçı direktoru və İdarə Heyətinin üzvü Ruslan Əlixanov tutduğu vəzifədən azad olunub.

Məlumata görə, onun vəzifədən azad edilməsi ilə bağlı təqdimat Baş nazir, eyni zamanda AİH-in Müşahidə Şurasının sədri Əli Əsədov tərəfindən verilib.

Azərbaycan İnvestisiya Holdinqinin baş icraçı direktoru vəzifəsinin icrası müvəqqəti olaraq baş icraçı direktorun müavini Dəyanət Sədullayevə tapşırılıb. Qərara uyğun olaraq Holdinqin İdarə Heyətinə müvafiq tapşırıqlar ünvanlanıb.