Sabah Bəzi Bölgələrdə Temperatur 40 Dərəcəyə Çatacaq

hadiseler.info Milli Hidrometeorologiya Xidmətinə istinadən xəbər verir ki, avqustun 22-də Bakıda və Abşeron yarımadasında hava şəraitinin yağmursuz keçəcəyi gözlənilir.

Paytaxtda şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə 23-27, gündüz isə 30-35 dərəcə isti təşkil edəcək. Atmosfer təzyiqi 763 mm civə sütunu, nisbi rütubət isə gündüz 50-55 faiz civarında olacaq.

Azərbaycanın rayonlarında da havanın əsasən yağmursuz keçəcəyi ehtimal edilir. Gecə və səhər bəzi dağlıq ərazilərdə arabir duman müşahid olunacaq, şərq küləyi əsəcək. Havanın temperaturu gecə 21-25 dərəcə, gündüz 35-38 dərəcə, bəzi yerlərdə isə 40 dərəcəyədək isti olacaq. Dağlarda isə gündüz 21-26 dərəcə isti gözlənilir.