Sabah bəzi magistral yollarda duman olacaq

Milli Hidrometeorologiya Xidməti ölkə ərazisində gözlənilən dumanlı hava şəraiti ilə bağlı avtomobil sürüclərinə xəbərdarlıq edib.

hadiseler.info xəbər verir ki, oktyabrın 19-u gecə və səhər saatlarında Azərbaycanın bəzi regionlarında və magistral yollarında duman olacağı ehtimal edilir.

Məlumata əsasən, dumanlı hava şəraiti səbəbindən magistral avtomobil yollarının ayrı-ayrı hissələrində görünüş məsafəsi 500-1000 metrədək kəskin məhdudlaşacaq.

Hüquq-mühafizə və yol patrul xidməti orqanları dumanlı hava şəraitini nəzərə alaraq sürücülərə yollarda xüsusilə diqqətli olmağı, sürət həddini gözləməyi və məsafəni doğru tənzimləməyi tövsiyə edir.