Sabahın hava proqnozu: Paytaxtda isti hava, bölgələrdə leysan və dolu gözlənilir

Milli Hidrometeorologiya Xidməti avqustun 13-nə olan hava proqnozunu açıqlayıb.

hadiseler.info xəbər verir ki, Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Şimal-qərb küləyi gündüz saatlarında şimal-şərq küləyi ilə əvəz olunacaq. Havanın temperaturu gecə 23-26° isti, gündüz isə 31-36° isti təşkil edəcək. Nisbi rütubət gündüz 45-50% arasında dəyişəcək.

Bölgələrdə isə hava şəraitinin şimal və qərb rayonlarından başlayaraq arabir yağışlı keçəcəyi bildirilir. Ayrı-ayrı yerlərdə qısamüddətli leysan yağacağı, şimşək çaxacağı, dolu düşəcəyi, xüsusilə dağlıq və dağətəyi rayonlarda yağıntıların intensiv olacağı ehtimal edilir.

Havanın temperaturu aran rayonlarında gündüz 32-37° isti, dağlıq ərazilərdə isə gecə 12-17° isti, gündüz 20-25° isti olacaq.