Sabirabadda ağır yol qəzası: 1 ölü, 3 yaralı

Sabirabad rayonunda ölümlə nəticələnən ağır yol-nəqliyyat hadisəsi baş verib.

hadiseler.info xəbər verir ki, hadisə rayonun Osmanlı kəndi ərazisində qeydə alınıb.

“Jiquli” markalı avtomobil digər minik avtomobili ilə toqquşub. Qəza nəticəsində Şirvan şəhər sakini, 1954-cü il təvəllüdlü İbrahimov Rahim Məzahir oğlu aldığı xəsarətlərdən dünyasını dəyişib. Hadisə zamanı daha 3 nəfər müxtəlif dərəcəli xəsarətlər alaraq Şirvan Şəhər Mərkəzi Xəstəxanasına yerləşdirilib.

Hazırda həlak olan və yaralanan şəxslərin şəxsiyyətinin dəqiqləşdirilməsi istiqamətində işlər aparılır.

Faktla bağlı müvafiq qurumlar tərəfindən araşdırma davam etdirilir.