Salyan rayonunda ölümlə nəticələnən ağır yol-nəqliyyat hadisəsi baş verib

hadiseler.info xəbər verir ki, qəza Ələt–Astara–İran magistral avtomobil yolunun Salyan rayon ərazisindən keçən hissəsində baş verib.

İlkin məlumatlara görə, Bakı istiqamətində yüksək sürətlə hərəkət edən avtomobil anidən idarəetmədən çıxaraq yoldan kənara aşıb. Qəza zamanı nəqliyyat vasitəsində olan 1 nəfər hadisə yerindəcə həyatını itirib, daha 2 nəfər isə ağır bədən xəsarətləri alıb. Yaralılar dərhal təcili tibbi yardım maşınları ilə xəstəxanaya çatdırılıb.

Faktla bağlı aidiyyəti qurumlar tərəfindən araşdırma aparılır.