Salyanda məktəb binasını yandırmağa cəhd edənlər həbs olundu

Salyan rayonunda orta məktəblərdən birinin əmlakına zərər vurulması və binaya “Molotov kokteyli” atılması ilə nəticələnən hadisənin üstü açılıb.

hadiseler.info xəbər verir ki, oktyabrın 26-da gecə saatlarında baş verən hadisəni törədən şəxslər – əvvəllər dəfələrlə məhkum olunmuş M.Əhədov və tanışı M.Hüseynov polis əməkdaşları tərəfindən saxlanılıblar.

Araşdırma zamanı məlum olub ki, onlar bu əməli məktəblərdə vahid geyim qaydalarına qarşı çıxdıqları üçün törədiblər. Faktla bağlı Cinayət Məcəlləsinin müvafiq maddələri ilə cinayət işi başlanılaraq hər iki şəxs barəsində həbs qətimkan tədbiri seçilib.

Hazırda araşdırmalar davam etdirilir.