Salyanda ağır yol qəzası baş verib- VİDEO

Salyan rayonunda ölümlə nəticələnən yol-nəqliyyat hadisəsi baş verib.

hadiseler.info “Report”a istinadən xəbər verir ki, hadisə axşam saatlarında köhnə Ələt-Astara magistralının Alçalı kəndi ərazisindən keçən hissəsində qeydə alınıb.

Kənd sakini, 1956-cı il təvəllüdlü İsayev Nəcəfxan Qılınc oğlu yolu keçmək istəyərkən “Audi” markalı avtomobil onu vurub. Qəza nəticəsində ağır xəsarətlər alan piyada hadisə yerindəcə dünyasını dəyişib.

Faktla bağlı hüquq-mühafizə orqanları tərəfindən araşdırma aparılır.