Samuxda kütləvi zəhərlənmə: 5 nəfər xəstəxanaya yerləşdirildi

Samux rayonunda qidadan kütləvi zəhərlənmə hadisəsi qeydə alınıb.

hadiseler.info xəbər verir ki, rayonun Alıuşağı kəndindən 5 nəfər zəhərlənmə şübhəsi ilə Gəncə Abbas Səhhət adına Birləşmiş Xəstəxanasının İnfeksion xəstəliklər şöbəsinə yerləşdirilib. Həmin şəxslərin ət məhsulundan zəhərləndiyi ehtimal edilir.

Xəstəxanaya yerləşdirilənlər Seymur Əliyev (1984), Elçin Cabbarov (1986), Mehriban Orucova (1975), Azər Allahverdiyev (1980) və Məlahət Allahverdiyevadır (1976). Zəhərlənən şəxslər Kəlbəcər, Daşkəsən və Gəncə sakinləridir.

Faktla bağlı aidiyyəti qurumlar tərəfindən araşdırma aparılır.