“Sea Breeze”də faciə: Hovuz nasosunda sıxılan 4 yaşlı uşaq vəfat etdi

Bakının Nardaran qəsəbəsində yerləşən “Sea Breeze” istirahət mərkəzində azyaşlının ölümü ilə nəticələnən ağır bədbəxt hadisə baş verib.

hadiseler.info xəbər verir ki, mərkəzin hovuzunda çimən 4 yaşlı uşağın ayağı su nasosunun içində sıxılaraq qalıb.

Daxil olan məlumatla əlaqədar dərhal əraziyə Fövqəladə Hallar Nazirliyinin (FHN) Xüsusi Riskli Xilasetmə və Dövlət Yanğından Mühafizə Xidmətlərinin qüvvələri, eləcə də təcili tibbi yardım briqadası cəlb olunub.

Xilasedicilər və həkimlər tərəfindən həyata keçirilən operativ xilasetmə və reanimasiya tədbirlərinə baxmayaraq, 2022-ci il təvəllüdlü Akif Cavid oğlu Abdullayevin həyatını xilas etmək mümkün olmayıb.