Sentyabr ayının pensiya ödənişləri tam yekunlaşdı

Azərbaycanda respublika üzrə sentyabr ayının pensiya ödənişləri tam başa çatdırılıb.

hadiseler.info xəbər verir ki, bu barədə Əmək və Əhalinin Sosial Müdafiəsi Nazirliyinin tabeliyində olan Dövlət Sosial Müdafiə Fondu (DSMF) məlumat yayıb.

Məlumatda bildirilib ki, sentyabrın 8-də Naxçıvan Muxtar Respublikasında, sentyabrın 11-də Bakı, Sumqayıt şəhərləri və Abşeron rayonunda, bu gün isə ölkəmizin digər bölgələrində qeydiyyatda olan şəxslərin pensiyaları, eləcə də güzəştli şərtlərlə təyin edilmiş pensiyalar ödənilərək yekunlaşdırılıb.