ŞƏT-ə sədrlik Pakistana keçdi

Şanxay Əməkdaşlıq Təşkilatında (ŞƏT) sədrlik növbəsi başa çatıb. Qırğızıstan təşkilatda sədrlik missiyasını yekunlaşdıraraq onu rəsmi olaraq Pakistana təhvil verib.

hadiseler.info xəbər verir ki, bu barədə Bişkekdə keçirilən ŞƏT-ə üzv dövlətlərin dövlət başçılarının yubiley sammitinin yekunlarına əsasən məlumat verilib.

2025-2026-cı illərdə təşkilata uğurla sədrlik edən Qırğızıstanın rəhbərliyi dövrünün əsas yekunu təşkilatın 25 illiyinə həsr olunmuş Bişkek Bəyannaməsi və 30-dan çox mühüm sənədin imzalanması olub. Qəbul edilən qərarlar regional təhlükəsizlik, narkotiklərlə mübarizə, süni intellekt, informasiya təhlükəsizliyi, energetika, logistika və iqlimin qorunması məsələlərini əhatə edir.

Növbəti sədrlik dövründə Pakistan təşkilatın fəaliyyətini koordinasiya edəcək və dövlət başçılarının növbəti iclasına ev sahibliyi edəcək. Bundan əlavə, Pakistanın Lahor şəhəri 2026-2027-ci illər üçün ŞƏT-in turizm və mədəniyyət paytaxtı elan edilib.