SOMDA əməkdaşlarının vəzifə maaşları ilə bağlı qərar verilib

hadiseler.info xəbər verir ki, Baş nazir Əli Əsədov Strateji Obyektlərin Mühafizəsi Dövlət Agentliyinin hərbi qulluqçularının və mülki işçilərinin aylıq vəzifə maaşları ilə bağlı yeni qərar imzalayıb.

Qərara əsasən, agentlik rəhbərliyi istisna olmaqla hərbi qulluqçuların, eləcə də dövlət qulluqçusu olmayan mülki əməkdaşların aylıq vəzifə maaşlarının məbləğləri yeni redaksiyada təsdiqlənib.

Maliyyə Nazirliyinə qərarın icrası ilə bağlı tələb olunan vəsaitin ödənilməsini təmin etmək tapşırılıb. Yeni qərarın 2026-cı il iyunun 1-dən etibarən tətbiq olunduğu bildirilir.