Sumqayıtda avtomobil təmiri sexi yandı-VİDEO

Sumqayıt şəhərində avtomobil təmiri sexində yanğın baş verib. Hadisələr.info xəbər verir ki, bu barədə Fövqəladə Hallar Nazirliyinin (FHN) “112” qaynar telefon xəttinə məlumat daxil olub.

Hadisə Koroğlu prospektində yerləşən obyektlərdə qeydə alınıb. Məlumat daxil olduqdan dərhal sonra əraziyə FHN-in Dövlət Yanğından Mühafizə Xidmətinin Sumqayıt Şəhər Yanğından Mühafizə İdarəsinin qüvvələri cəlb olunub.

Əməliyyat şəraitinin qiymətləndirilməsi zamanı yanğının bir dam altında tikilmiş, ümumi sahəsi 1600 kvadratmetr olan obyektlərdən avtomobil təmiri sexi və ehtiyat hissələri satışı mağazası hissəsində başladığı və yayılma riskinin yüksək olduğu müəyyən edilib.

Çünki yanğının baş verdiyi ərazidə tezalışan materialların və ehtiyat hissələrinin sıxlığı alovun genişlənmə ehtimalını artırırdı. Həmçinin yanğınsöndürənlərin vaxtında və operativ müdaxiləsi sayəsində alovun 1600 kv.m-lik kompleksin digər hissələrinə keçməsinin qarşısı alınıb.Lakin hadisə nəticəsində iki boksun yanar konstruksiyaları 60 kvadratmetr sahədə yanıb.