Həkimləri çağırışa çatdıran sürücü sükan arxasında öldü

Sumqayıtdan Masazır qəsəbəsinə ağır xəstə çağırışına gedən təcili tibbi yardım avtomobilinin sürücüsü fədakarlıq göstərərək sükan arxasında vəfat edib.

hadiseler.info xəbər verir ki, təcili yardım sürücüsü İsmayıl Məmmədov həkim briqadasını xəstənin yanına çatdırdıqdan sonra ürəktutma nəticəsində həyatını itirib.

Həkimlərin sözlərinə görə, İ.Məmmədov yol boyu ürəyində şiddətli ağrı hiss etsə də, “Sizi xəstənin yanına çatdırım, mən birtəhər dözərəm” deyərək öz ağrısına baxmayaraq vəzifə borcunu sonadək yerinə yetirib. Tibb heyəti xəstəyə yardım göstərib aşağı endikdə isə İ.Məmmədovun sükan arxasında dünyasını dəyişdiyini görüblər.