Tayvan hər sakininə 314 dollar ödəyəcək

Tayvan hökuməti ölkədəki sürətli iqtisadi artım fonunda hər bir vətəndaşına bir dəfəlik pul ödənişi etməyi planlaşdırır.

hadiseler.info xəbər verir ki, parlament büdcə layihəsini təsdiqləyərsə, fəaliyyət sahəsindən asılı olmayaraq hər bir Tayvan vətəndaşına 10 min Tayvan dolları (təxminən 314 ABŞ dolları) verilməsi nəzərdə tutulur.

Tayvan prezidenti Uilyam Lay Çinde bu ödənişləri “AI dividendləri” adlandırıb. Ödənişlərin 2027-ci ilin fevralında keçiriləcək Ay Yeni ilinə qədər həyata keçirilməsi planlaşdırılır.

Büdcə təsdiqlənərsə, bu məqsəd üçün ümumilikdə 7,4 milyard ABŞ dolları vəsait ayrılacaq.

Prezident iqtisadi göstəricilərin gözləniləndən yüksək olduğunu bildirib. İlin ilk yarısında iqtisadi artım 14,2 faiz təşkil edib. Uilyam Lay Çinde bu uğuru süni intellekt, çip istehsalı (xüsusən TSMC şirkətinin fəaliyyəti) və texnologiya sektorundakı qlobal tələbatın artması ilə əlaqələndirib.