Tehran hərbi doktrinasını dəyişdi: İrandan hücum mövqeyinə keçid  

İran Silahlı Qüvvələri uzun illərdir tətbiq etdiyi müdafiə xarakterli hərbi doktrinadan imtina edərək hücum doktrinasına keçildiyini bəyan edib.  

hadiseler.info xəbər verir ki, bu barədə İslam Respublikası ordusunun rəsmi nümayəndəsi Məhəmməd Əkrəminiya məlumat verib.

General Məhəmməd Əkrəminiya bildirib: “Ölkənin hərbi doktrinası tədricən müdafiədən hücum xarakterinə dəyişib. Yenilənmiş strategiya düşmənlərə qarşı qabaqlayıcı əməliyyatların keçirilməsini, habelə İrana qarşı istənilən təcavüz aktına dərhal və daha böyük miqyasda cavab verilməsini nəzərdə tutur.”  

Xatırladaq ki, bundan əvvəl İran Silahlı Qüvvələrinin Baş Qərargah rəisi Əli Abdullahi də Birləşmiş Ştatlar tərəfindən gələn təhdidlərə cavab olaraq Tehranın quruda, dənizdə, havada və kiberfəzada sarsıdıcı addımlar atmağa hazır olduğunu vurğulamışdı.