“TikTok”un qurucusu Asiyanın ən varlı şəxsi oldu

“TikTok” sosial şəbəkəsinin və “ByteDance” şirkətinin qurucusu Çjan Yiming ilk dəfə Asiyanın ən varlı insanlarının siyahısına başçılıq edib.

hadiseler.info xəbər verir ki, bu barədə “Bloomberg Billionaires Index” məlumat yayıb. Çjan Yiming hindistanlı sənayeçi Qautam Adanini geridə qoyaraq birinci pilləyə yüksəlib.

“ByteDance” qurucusunun sərvəti bu ay ərzində 12 milyard dollar artaraq 105 milyard dolları ötüb. Qeyd olunur ki, bu, “Bloomberg”in 2019-cu ilin mart ayında onun aktivlərini izləməyə başlamasından bəri səkkiz dəfə artım deməkdir. Siyahıda digər hindistanlı milyarder Mukeş Ambani isə 81,3 milyard dollar sərvətlə Asiyanın ən varlı üçüncü şəxsi olub.