Tramp: “Mənim əmim radarı ixtira edib”

ABŞ Prezidenti Donald Tramp Massaçusets Texnologiya İnstitutunun (MIT) professoru olan əmisi Con Trampın radar sistemlərinin yaradılmasındakı rolunu xatırladaraq, İranın hərbi sistemlərini sıradan çıxardıqlarını bəyan edib.

hadiseler.info xəbər verir ki, bu barədə ABŞ lideri Floridada aralıq seçki üçün keçirilən erkən səsvermədən sonra jurnalistlərlə söhbəti zamanı danışıb.

Tramp açıqlamasında bildirib:

“Mənim əmim radarı ixtira edib. İnanırsınız? MIT-dən doktor Con Tramp. Yəqin ki, o, mənə əsəbiləşəcək, amma mən onların (İranın) radarını sıradan çıxardım. Mən digər hər şeyi də sıradan çıxardım. İndi onların əlində qalan yeganə şey inflyasiyadır. Onlar inflyasiya üzrə rekord vururlar. Bu səhər oxuduğuma görə, onların inflyasiyası 301% təşkil edib. Beləliklə, biz əla iş görmüşük və sual budur ki, biz bunu axıra çatdıracağıqmı?”
Qeyd edək ki, ABŞ və İsrail fevralın 28-də İrana qarşı birgə hərbi əməliyyata başlayıblar. Aprel ayında isə Pentaqon İranın hava hücumundan müdafiə (HHM) sistemlərinin 80%-dən çoxunun və Hərbi Dəniz Qüvvələrinin 90%-dən çoxunun məhv edildiyini açıqlamışdı.