Trampdan Fransaya xəbərdarlıq: “Sərhədlərinizi təcili bağlayın!”

ABŞ Prezidenti Donald Tramp Fransada gərginləşən kütləvi iğtişaşlar və sosial böhran fonunda ölkə rəhbərliyinə sert müraciət ünvanlayıb.

hadiseler.info xəbər verir ki, Birləşmiş Ştatlar rəhbəri Fransadakı gərginliyin əsas səbəbi kimi kütləvi immiqrasiya siyasətini göstərib və rəsmi Parisi sərhədləri dərhal bağlamağa çağırıb.

Donald Tramp məsələ ilə bağlı bildirib:

“Fransa yanır! İmmiqrasiya bir vaxtlar qüdrətli olan bu ölkəni darmadağın edib. Çox gec olmadan sərhədləri bağlayın və vəziyyəti nəzarətə götürün!”
Qeyd edək ki, Fransada inflyasiya və yaşayış xərclərinin artmasına qarşı başlayan, daha sonra küçə toqquşmalarına çevrilən etirazlar Ağ Ev rəsmilərinin də diqqət mərkəzindədir. Bir qədər əvvəl ABŞ Vitse-prezidenti Cey Di Vens də Fransadakı hadisələrə münasibət bildirərək, Avropanın miqrasiya siyasətini sərt tənqid etmişdi.  

Aksiyalar zamanı yüzlərlə obyektin qarət olunması və 1800-dən çox insanın saxlanılması fonunda Trampın bu bəyanatı beynəlxalq aləmdə geniş əks-səda doğurub.