Türkiyədə yalan transfer xəbəri yayan jurnalist tutuldu

Türkiyəli jurnalist Burhan Can Terzi Camal Musialanın “Qalatasaray”a transferi haqqında saxta xəbər yaydığı üçün saxlanılıb.

hadiseler.info İHA-ya istinadən xəbər verir ki, jurnalist “Bavariya”nın ulduzu ilə bağlı sosial mediada paylaşım edib. Bu paylaşımdan sonra İstanbul Bakırköy Prokurorluğu onun haqqında istintaq başladıb.

Burhan Can Terzi “İctimaiyyətə açıq şəkildə yalan məlumat yaymaq” maddəsi ilə saxlanılıb. Prosedurlar tamamlandıqdan sonra o, məhkəməyə çıxarılacaq.

“Qalatasaray” klubu iddiaları dərhal təkzib edib. Həmçinin klubun jurnalistdən prokurorluğa şikayət etdiyi məlum olub.