Türkiyənin tanınmış iş adamı vəfat etdi

Türkiyənin tanınmış iş adamlarından biri, “Zorlu Holding”in İdarə Heyətinin sədri Ahmet Nazif Zorlu dünyasını dəyişib.

hadiseler.info “Haber Global” telekanalına istinadən xəbər verir ki, bir müddətdir xərçəng xəstəliyindən müalicə alan 82 yaşlı iş adamı oktyabrın 31-də reanimasiya şöbəsinə yerləşdirilmişdi. O, noyabrın 2-də axşam saatlarında İstanbulda müalicə aldığı xəstəxanada vəfat edib.

Qeyd edək ki, Ahmet Nazif Zorlunun rəhbərliyi altında böyüyən “Zorlu Group” tekstil, elektronika, məişət texnikası, enerji, daşınmaz əmlak, metallurgiya və müdafiə sənayesi də daxil olmaqla müxtəlif sahələrdə fəaliyyət göstərir. Qrupun tanınmış şirkət və brendləri arasında “Vestel” və “Korteks” də yer alır.