Ukrayna PUA-ları Yeysk limanını vurdu: Gəmi zədələndi, yanğın başladı

Ukrayna Müdafiə Qüvvələri Rusiyanın Krasnodar diyarında yerləşən Yeysk limanına dronlarla hücum edib.

hadiseler.info “UNIAN”a istinadən xəbər verir ki, hücum nəticəsində limanda yerləşən ən azı bir gəmiyə ziyan dəyib və ərazidə genişmiqyaslı yanğın başlayıb.

Paralel olaraq, Rusiya ordusu da Ukrayna ərazisinə intensiv zərbələr endirib. Əsasən Kiyev və Odessanı hədəf alan hücumlarda “Banderol” tipli PUA-lar və “İskəndər-M” ballistik raketlərindən istifadə olunub, 50-dən çox nöqtə vurulub. Kiyevdə dəmiryol xəttinə düşən raket zərbəsi nəticəsində 1 nəfər həlak olub.