Vilnüs aeroportu bağlandı

Litvanın hava məkanında naməlum pilotsuz uçuş aparatlarının (PUA) qeydə alınması səbəbindən paytaxt Vilnüsün beynəlxalq hava limanında uçuşlar müvəqqəti olaraq dayandırılıb.

hadiseler.info “Reuters” agentliyinə istinadən xəbər verir ki, məlumatı Litvanın Milli Böhranların İdarə Edilməsi Mərkəzi təsdiqləyib.

Hadisə ilə əlaqədar NATO-nun Baltikyanı hava hücumundan müdafiə missiyası çərçivəsində ölkənin şimalında yerləşən Şiauliai aviabazasından dərhal alarmla ən azı bir NATO qırıcı təyyarəsi havaya qaldırılıb. Naməlum PUA-ların uçuşu səbəbindən Vilnüs aeroportu uçuşları qəbul etmir və yola salmır.

Məhdudiyyətlərin yerli vaxtla saat 16:30-dək davam edəcəyi gözlənilir.