“WhatsApp”da növbəti yeniliklər

“WhatsApp” messencerinin tərtibatçıları proqram təminatı üçün hazırlanan yeni funksiyaların sınaq mərhələsinə başladığını elan ediblər.

Hadisələr.info xəbər verir ki, mütəxəssislər hazırda “iOS” və “Android” platformaları üçün bir sıra vacib yeniləmələri sınaqdan keçirirlər.

Yeni imkanlara əsasən, istifadəçilər üçün qəbul edilmiş və ya göndərilmiş multimedia fayllarının sürətli redaktəsi funksiyası əlçatan olacaq. Bu yenilik sayəsində messencerdən çıxmadan şəkillər üzərində birbaşa dəyişikliklər etmək mümkün olacaq.

Bununla yanaşı, çatlarda mesajların alınmasında problem yarandıqda bu barədə bərkidilmiş xəbərdarlıq pəncərəsi görünəcək. Eyni zamanda “WhatsApp” komandası “push” bildirişlər vasitəsilə səsli mesajların daxil olan kimi ilkin dinlənilməsi imkanı üzərində də işləri davam etdirir.