Xankəndidə restoranda dava-dalaş: 2 gənc həbs edildi

Xankəndi şəhərində restoranların birinin qarşısında bıçaqlanma və xuliqanlıqla nəticələnən insident baş verib.

hadiseler.info xəbər verir ki, hadisə Kərkicahan qəsəbəsində yerləşən “Şah əsəri” restoranının önündə qeydə alınıb.

Məlumata görə, restoranda keçirilən ad günü məclisində iştirak edən xanım qonaqlardan birinin anası saat 22 radələrində məkana gələrək sərxoş halda olan qızını aparmaq istəyib. Bu zaman həmin xanımın tanışları olan 23 və 22 yaşlı iki gənclə ana arasında mübahisə yarandığı bildirilir. Gənclər restoranın qarşısında ucadan söyüş söyərək ictimai qaydanı pozublar. Hadisə gedişində gənclərdən biri bıçaq xəsarəti alıb.

Əraziyə cəlb olunan polis əməkdaşları onlara irad bildirərək şöbəyə dəvət etsələr də, hər iki şəxs polis polisin qanuni tələblərinə tabe olmaqdan imtina edib. Nəticədə gənclər saxlanılaraq polis şöbəsinə gətirilib və barələrində inzibati protokollar tərtib olunub.

Məhkəmənin qərarı ilə 23 yaşlı şəxs 20 gün, 22 yaşlı digər gənc isə 15 gün müddətinə inzibati qaydada həbs edilib.