Xaricdə iş və müxtəlif vədlərlə dələduzluq edən şəxs saxlanıldı

Xaricdə iş və müxtəlif vədlərlə vətəndaşların etibarından sui-istifadə edərək dələduzluq törədən şəxs polis əməkdaşları tərəfindən saxlanılıb.

hadiseler.info xəbər verir ki, bu barədə Daxili İşlər Nazirliyi məlumat yayıb.

Məlumata görə, E.Vəliyev İsveçrədə iş, ev və “golfcar” vədləri verməklə vətəndaşlardan ümumilikdə 5 128 manat pul alıb. O, həmçinin başqasına məxsus 19 min manat dəyərindəki “golfcar”ı sahibinin xəbəri və razılığı olmadan 8 min manata sataraq mənimsəyib.

Aparılan araşdırmalarla E.Vəliyevin tanınmış şəxslərlə fotomontaj edilmiş şəkillərindən istifadə edərək vətəndaşların etimadını qazandığı müəyyən edilib. Factla bağlı istintaq-araşdırma tədbirləri davam etdirilir.