Xocalıda Anım Günü münasibətilə Şəhidlər xiyabanı ziyarət olunub- FOTOLAR

27 Sentyabr – Anım Günü ilə əlaqədar Xocalı şəhərində yerləşən Şəhidlər xiyabanı ziyarət edilib.

hadiseler.info xəbər verir ki, Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin İctimaiyyətlə əlaqələr şöbəsinin yaydığı məlumata görə, dövlət qurumlarının əməkdaşları və ictimaiyyət nümayəndələri Şəhidlər xiyabanına gələrək Vətənin ərazi bütövlüyü və suverenliyi uğrunda canından keçən qəhrəmanların əziz xatirəsini ehtiramla yad ediblər.

Ziyarətçilər şəhidlərin məzarları üzərinə gül dəstələri düzüb, ruhlarına dualar oxuyublar. Qeyd olunub ki, Azərbaycan xalqı Vətən müharibəsində və digər döyüşlərdə canını fəda edən şəhidlərin xatirəsini hər zaman uca tutur və onların fədakarlığı ölkəmizin tarixinə əbədi yazılıb.