“Ya Üçüncü Dünya müharibəsi başlayacaq, ya da…”

Fransanın “Milli Birlik” partiyasının parlament fraksiyasının rəhbəri Marin Le Pen Ukraynadakı münaqişə ilə bağlı dəhşətli ssenariləri açıqlayıb.

hadiseler.info xəbər verir ki, fransalı siyasətçi “Digi24” telekanalına müsahibəsində mövcud gərginliyi qiymətləndirərkən iki əsas ehtimalı irəli sürüb:

“Ya NATO bu münaqişəyə qoşulacaq və o zaman Üçüncü Dünya müharibəsi başlayacaq, ya da biz yüzillik müharibənin şahidi olacağıq”.

Yaranmış kritik vəziyyətdən çıxış yolu kimi Le Pen münaqişənin həlli yollarını tapmaq üçün müxtəlif ölkələrin nümayəndələrinin iştirakı ilə yüksəksəviyyəli beynəlxalq konfransın keçirilməsinin vacibliyini vurğulayıb. O, böhranın həlli üçün Rusiya Prezidenti Vladimir Putin və Ukrayna Prezidenti Volodimir Zelenski ilə şəxsən danışmaq istədiyini də bildirib.

Xatırladaq ki, Marin Le Pen bundan əvvəl də Fransanın mövcud maliyyə çətinlikləri fonunda Ukraynanı maliyyələşdirməyə davam etmək iqtidarında olmadığını bəyan etmişdi.