Yeşilçamın “Altın Çocuk”u vəfat etdi

Türkiyə kinosunun əfsanəvi simalarından biri, “Altın Çocuk” ləqəbli aktyor Göksel Arsoy 90 yaşında dünyasını dəyişib.

hadiseler.info xəbər verir ki, bu barədə “Haber Global” məlumat yayıb.

Kayseridə anadan olan Göksel Arsoy kino və teatr sahəsində zəngin fəaliyyət göstərib. Xüsusilə 1960-cı illərdə “Yeşilçam”ın aparıcı ulduzlarından birinə çevrilən aktyor kariyerasına 1957-ci ildə “Kara Günlerim” filmi ilə başlayıb. 1959-cu ildə çəkilən “Samanyolu” filmi ilə geniş tamaşaçı auditoriyasının sevgisini qazanan sənətkar bir çox ekran əsərlərində Belgin Dorukla baş rolları bölüşüb.

“Taş Bebek”, “Bulunmaz Uşak”, “Şafak Bekçileri”, “Kezban” və “Altın Çocuk” kimi məşhur filmlərdə rol alan Arsoy, eyni zamanda öz adını daşıyan kino şirkətini quraraq prodüser kimi də fəaliyyət göstərib.