Yevlaxda ağır yol qəzası: 72 yaşlı motosikletçi həlak oldu

Yevlax şəhərində ölümlə nəticələnən yol-nəqliyyat hadisəsi baş verib.

hadiseler.info xəbər verir ki, hadisə avqustun 23-ü saat 11:00 radələrində şəhərin Füzuli küçəsində qeydə alınıb.

2005-ci il təvəllüdlü Nazim İsayevin idarə etdiyi “VAZ 2106” markalı avtomobil 1954-cü il təvəllüdlü Mahmud Kərimovun idarə etdiyi “Muravey” markalı üçtəkərli motosikletlə toqquşub.

Qəza nəticəsində kəllə sümüyünün sınığı və beyin silkələnməsi ağır xəsarətləri alan 72 yaşlı M.Kərimov dərhal Yevlax Rayon Mərkəzi Xəstəxanasına yerləşdirilib. Həkimlərin səylərinə baxmayaraq, yaralı bir gün sonra xəstəxanada dünyasını dəyişib.

Faktla bağlı Yevlax Rayon Polis Şöbəsində cinayət işi başlanılıb, istintaq tədbirləri aparılır.