Zelenski: “Oktyabr ayında Rusiya və ABŞ ilə üçtərəfli görüş ola bilər”

Ukrayna Prezidenti Volodimir Zelenski münaqişənin tənzimlənməsi məqsədilə oktyabr ayında Rusiya və ABŞ nümayəndələrinin iştirakı ilə üçtərəfli görüşə hazır olduqlarını bəyan edib.

hadiseler.info xəbər verir ki, Ukrayna liderinin sözlərinə görə, Vaşinqton nümayəndələri Kiyev və Moskva ilə təmasda olaraq ayın sonunadək görüşün keçirilməsini təklif edirlər.

Ukrayna Prezidenti rəsmi Kiyevin bu təşəbbüsü dəstəklədiyini bildirib: “Dünən mən onlara tərəfimizin bunu dəstəkləməyə hazır olduğunu təsdiqlədim”.

Zelenski əlavə edib ki, Ukrayna tərəfi görüşün Birləşmiş Ərəb Əmirliklərində (BƏƏ) və ya Birləşmiş Ştatların təklif edəcəyi başqa bir ölkədə keçirilməsinə razılıq verib.