“28 Mall”un qarşısında skuterdən yıxılmışdı, öldü

Bakının mərkəzində skuterdən yıxılaraq ağır xəsarət alan 42 yaşlı kişi dünyasını dəyişib.

hadiseler.info xəbər verir ki, hadisə sentyabrın 12-si Azadlıq prospekti 27 ünvanının qarşısında – “28 Mall” ticarət mərkəzinin önündə baş verib.

Bakı şəhər sakini, 1984-cü il təvəllüdlü İsmayıl Kərim oğlu Nəbiyev idarə etdiyi skuterdən yıxılaraq ağır xəsarətlə xəstəxanaya yerləşdirilib. Həkimlərin göstərdiyi tibbi yardıma baxmayaraq, o, 10 gün sonra xəstəxanada vəfat edib.

Faktla bağlı hüquq-mühafizə orqanları tərəfindən araşdırma aparılır.