4 il sonra Tayvan təyyarəsi Rusiya səmasından uçdu

Tayvanın “China Airlines” aviaşirkətinə məxsus sərnişin təyyarəsi dörd il ərzində ilk dəfə Rusiya hava məkanından istifadə edib.

hadiseler.info xəbər verir ki, bu barədə “RIA Novosti” agentliyi məlumat yayıb.

Bildirilib ki, Taypeydən Romaya uçuş həyata keçirən “CI75” reysi oktyabrın 25-də Rusiya hava məkanına daxil olub.

Qeyd edək ki, bu hadisə Tayvanın nəqliyyat orqanının 2022-ci ilin fevralında Rusiya Federasiyası üzərindən uçuşları tamamilə dayandırmasından sonra baş verən ilk belə haldır.