43 təyyarə İstanbula enə bilmədi

Türkiyənin İstanbul şəhərində hökm sürən güclü leysan yağışları və şiddətli külək hava nəqliyyatında ciddi problemlərə yol açıb.

hadiseler.info “Anadolu” agentliyinə istinadən xəbər verir ki, əlverişsiz hava şəraiti səbəbindən İstanbul Hava Limanına eniş edə bilməyən 43 təyyarə alternativ aeroportlara yönləndirilib.

Yönləndirilən təyyarələrdən 39-u Türkiyənin digər şəhərlərinə, 4-ü isə xarici ölkələrə – Tehran, Burqas və Afina hava limanlarına istiqamət alıb.

Daxili reyslərin istiqamətləri üzrə bölgüsü:

 Ankara Esenboğa: 16 təyyarə

 İzmir Adnan Menderes: 10 təyyarə

 Sabiha Gökçen: 8 təyyarə

 Balıkesir Koca Seyit: 2 təyyarə

 Çanaqqala: 2 təyyarə

 Antalya: 1 təyyarə

Şiddətli külək Sabiha Gökçen Hava Limanında da uçuşların müvəqqəti dayandırılmasına səbəb olub. Saat 21:42-də dayandırılan uçuş operasiyaları 22:02-də bərpa edilib. Bu qısa fasilə ərzində eniş edə bilməyən 3 təyyarə Ankara Esenboğa aeroportuna yönləndirilib.