M2 ekspres avtobuslarında sərnişinlər üçün ikinci validator quraşdırılıb

“Bakı Metrosu” QSC-nin “İnşaatçılar”, “Nizami” və “28 May” stansiyaları arasında fəaliyyət göstərən M2 nömrəli ekspres marşrut avtobuslarında ikinci oxuma cihazı (validator) quraşdırılıb.

hadiseler.info xəbər verir ki, bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyindən (AYNA) məlumat verilib.

Məlumata görə, ikinci validatorun quraşdırılmasında əsas məqsəd sərnişinlərin avtobusa minmə prosesini sürətləndirmək və dayanacaqlarda gözləmə müddətini azaltmaqdır. Yeni qaydaya əsasən, sərnişinlər eyni anda həm ön, həm də orta qapıdan salona daxil ola bilərlər.

Qeyd edək ki, bundan əvvəl analoji yenilik M1 nömrəli ekspres marşrut xəttində də tətbiq olunmuşdu.