İspaniyalı pilot Pablo Amoros yarışda qəzaya düşərək həlak oldu

İspaniyalı avtomobil yarışçısı Pablo Amoros yarış zamanı baş verən ağır qəza nəticəsində dünyasını dəyişib.

hadiseler.info xəbər verir ki, bu barədə İspaniya Kral Avtomobil Federasiyasının (RFEDA) mətbuat xidməti məlumat yayıb.

Hadisə Uelvada yerləşən “Monteblanko” trasında keçirilən “GTI Trophy” seriyasından olan yarış zamanı qeydə alınıb. P.Amoros zolaqda mübarizə apararkən idarəetməni itirərək ağır qəzaya uğrayıb və aldığı xəsarətlərdən hadisə yerindəcə həyatını itirib.

Qeyd edək ki, idmançı İspaniyada həm halqa turnirlərinin, həm də müxtəlif ralli və yolsuzluq yürüşlərinin daimi iştirakçısı olub. O, daha əvvəl “Jarama” dövrə mübarizəsi (CRT), “Hyundai Cup”, “Mini Challenge” və “Copa Kobe Motor” kimi tanınmış yerli turnirlərdə də müntəzəm mübarizə aparıb.