Türkiyədə 350 kq kokain aşkarlanıb

Türkiyənin Mersin Limanında keçirilən əməliyyat zamanı Cənubi Amerikadan gələn yük gəmisində 350 kq kokain aşkarlanıb.

hadiseler.info xəbər verir ki, bu barədə “TRT Haber” məlumat yayıb.

Məlumata görə, əməliyyat Türkiyə Baş Polis İdarəsinin Narkotiklərlə Mübarizə İdarəsinin koordinasiyası, İstanbul və Mersin şəhər polis idarələrinin müvafiq bölmələrinin iştirakı ilə həyata keçirilib.

Gəmidə aparılan axtarış zamanı gizlədilmiş 12 iri bağlamada ümumilikdə təxminən 350 kq kokain aşkarlanıb.

Axtarış zamanı müsadirə edilən əşyalar:

 Təxminən 350 kq kokain (12 iri bağlamada)

 Dalğıc avadanlıqları

 Sualtı dəniz skuterlərinə aid ləvazimatlar

Faktla bağlı 9 şübhəli şəxs barəsində araşdırma başlanılıb.