Boğazına oyuncaq qaçan 5 yaşlı uşaq öldü

Mardin şəhərində boğazına oyuncaq qaçan 5 yaşlı Mehmet Selim Baran müalicə aldığı xəstəxanada dünyasını dəyişib.

hadiseler.info DHA-ya istinadən xəbər verir ki, bədbəxt hadisə avqustun 26-da Artuklu rayonunun Dara məhəlləsində baş verib. Boğazına oyuncaq qaçan azyaşlıya ilk tibbi yardım göstərildikdən sonra o, dərhal İstanbul Başakşehir Çam və Sakura Şəhər Xəstəxanasına təxliyə edilib.

Reanimasiya şöbəsində intensiv müalicə alan 5 yaşlı Mehmet həkimlərin bütün səylərinə baxmayaraq 20 gündən sonra vəfat edib.

Məhllə qəbiristanlığında dəfn ediləcəyi bildirilən azyaşlının nəşi otopsiya əməliyyatlarından sonra ailəsinə təhvil verilib.