Tramp: “Putinlə də sülh sazişinin şərtlərini müzakirə edirik”

ABŞ Prezidenti Donald Tramp rusiyalı həmkarı Vladimir Putinlə Ukrayna üzrə sülh sazişinin şərtlərini müzakirə etdiyini bəyan edib.

hadiseler.info xəbər verir ki, bu barədə amerikalı lider Nyu-Yorkda Ukrayna Prezidenti Volodimir Zelenski ilə keçirdiyi təkbətək görüşdə bildirib.

Ağ Evin “YouTube” kanalında yayımlanan kadrlar Trampın tərəflər arasında razılaşmaya çox yaxın olduqlarına işarə etdiyini göstərir. Tramp müzakirələrin fəal şəkildə davam etdiyini diqqətə çatdırıb:

“Düşünürəm ki, onlar razılaşma əldə etmək üzrədirlər və bu sazişin nədən ibarət olduğunu əvvəlcədən açıqlamaq istəmirəm. Biz bu barədə çox danışırıq, o cümlədən prezident Putinlə də müzakirələr aparırıq. Hesab edirəm ki, yaxın vaxtlarda mütləq nəsə baş verəcək”.

Qeyd edək ki, sentyabrın 5-də ABŞ liderinin xüsusi elçiləri Stiv Uitkoff və Cared Kuşner Moskvada Vladimir Putinlə görüşüblər. Növbəti gün isə Kiyevə yollanaraq münaqişənin tənzimlənməsini Volodimir Zelenski ilə müzakirə ediblər. Uitkoff bu təmasların yekununda əhəmiyyətli irəliləyişlərin əldə olunduğunu bildirib.  

Zelenskinin sözlərinə görə, Rusiya, ABŞ və Ukrayna arasında növbəti üçtərəfli danışıqlar BƏƏ, Türkiyə və ya İsveçrədə keçirilə bilər. O, görüşün əsas mövzularından birinin enerji obyektlərinə zərbələrin dayandırılması olacağını istisna etməyib. Kreml də danışıqlar prosesinin bərpa olunacağına ümid etdiyini bildirsa də, ehtimal edilən görüşün detallarını hələlik açıqlamır.