Tramp Si Cinpini qarşılamaq üçün 64 illik protokol qaydasını pozacaq

ABŞ Prezidenti Donald Tramp Çin Xalq Respublikasının Sədri Si Cinpini Endryuz hərbi hava bazasında şəxsən qarşılamağa hazırlaşır.

hadiseler.info xəbər verir ki, bu barədə “Financial Times” qəzeti məlumat yayıb.

Nəşrin bildirdiyinə görə, bununla da Birləşmiş Ştatlarda 64 ildir riayət olunan protokol qaydası pozulacaq. Bu, 1962-ci ildə Con Kennedinin Böyük Britaniyanın Baş naziri Harold Makmilanı uçuş-enmə zolağında qarşılamasından sonra ABŞ Ali Baş Komandanının bir dənə də olsun dünya liderini həmin bazada şəxsən qarşıladığı ilk hal olacaq.

Qəzet bu addımı Vaşinqton tərəfindən Pekin liderinə göstərilən dərin hörmətin nümayişi kimi qiymətləndirib.

Qeyd edək ki, Si Cinpinin 23-25 sentyabr tarixlərində ABŞ-yə dövlət səfəri planlaşdırılır.