Şəhid qızı Azərbaycan çempionu oldu

Bakıda keçirilən taekvondo üzrə ölkə birinciliyi və çempionatında qürurverici anlar yaşanıb.

hadiseler.info xəbər verir ki, yarışda Göygölün “İrəvan İdman Mərkəzi”nin yetirməsi Dərya Hüseynova 30 kq çəki dərəcəsində bütün rəqiblərinə qalib gələrək fəxri kürsünün ən yüksək pilləsinə qalxıb.

Qızıl medal qazanaraq Azərbaycan çempionu adını əldə edən Dərya Hüseynova 44 günlük Vətən müharibəsində Cəbrayıl uğrunda gedən döyüşlərdə qəhrəmancasına həlak olan şəhid Elbrus Hüseynovun qızıdır.