İlham Əliyev “Bakı Metropoliteni” ilə bağlı FƏRMAN İMZALADI

Prezident İlham Əliyev “Bakı Metropoliteni” QSC-nin yenidən təşkili və bununla əlaqədar Azərbaycan Respublikası Prezidentinin bəzi fərman və sərəncamlarında dəyişiklik edilməsi, bəzi sərəncamlarının ləğv edilməsi haqqında” 2026-cı il 7 may tarixli 662 nömrəli Fərmanında dəyişiklik edilməsi barədə yeni Fərman imzalayıb.

hadiseler.info xəbər verir ki, Fərmana əsasən, “Bakı Metropoliteni” QSC-yə geniş tərkibli yeni səlahiyyət verilib.

Yeni dəyişikliyə müvafiq olaraq, “Bakı Metropoliteni” QSC sərnişin kanat yolları ilə sərnişindaşıma xidmətlərinin göstərilməsini, onların keyfiyyətinin və təhlükəsizliyinin yüksəldilməsini təmin edəcək. Həmçinin həmin xidmətlərin təşkili və gediş haqqının ödənilməsi üzrə innovativ və rəqəmsal həllərin tətbiqi, layihələndirilməsi, tikintisi, maddi-texniki bazanın gücləndirilməsi və müasirləşdirilməsi, xidmətlərin qarşılıqlı inteqrasiyası, eləcə də vahid mərkəzdən idarə olunması və əlaqələndirilməsi də quruma həvalə olunub.