Ölkə ərazisində yağıntılı havanın nə vaxtadək davam edəcəyi açıqlandı

Azərbaycan ərazisində müşahidə olunan yağıntılı hava şəraitinin nə vaxtadək davam edəcəyi məlum olub.

hadiseler.info xəbər verir ki, Milli Hidrometeorologiya Xidmətindən verilən məlumata görə, ölkə ərazisində yağıntılı hava şəraiti günün sonunadək davam edəcək.

Bildirilib ki, oktyabrın 4-də Bakıda və Abşeron yarımadasında yağış tədricən kəsiləcək. Bölgələrdə isə yağıntıların gündüz saatlarından etibarən dayanacağı gözlənilir.

Milli Hidrometeorologiya Xidmətinin proqnozuna əsasən, oktyabrın 5-də ölkənin əksər rayonlarında yağmursuz hava şəraiti hökm sürəcək.