Mətbəx çanağında əli sıxılıb qalan 3 yaşlı uşaq xilas edildi — VİDEO

Quba rayonunda Fövqəladə Hallar Nazirliyinin xilasedicilərinin operativ müdaxiləsi sayəsində azyaşlı bədbəxt hadisədən xilas edilib.

hadiseler.info xəbər verir ki, hadisə Quba rayonunun Bəhrəli kəndində qeydə alınıb. Mətbəxdə olan 2023-cü il təvəllüdlü uşağın əli mətbəx çanağının süzgəcində sıxılı vəziyyətdə qalıb.

Yaxınları tərəfindən dərhal Fövqəladə Hallar Nazirliyinin “112” qaynar telefon xəttinə məlumat verilib.

Məlumat daxil olan kimi əraziyə FHN-in Dövlət Yanğından Mühafizə Xidmətinin yanğınsöndürən-xilasediciləri cəlb olunublar. Xilasedicilər tərəfindən həyata keçirilən tədbirlər nəticəsində 3 yaşlı uşağın əli təhlükəsiz qaydada süzgəcdən çıxarılıb.