Türkiyə millisi İtaliyaya səfərdə uduzdu

UEFA Millətlər Liqasının A Liqasının IV turu çərçivəsində Türkiyə milli komandası səfərdə İtaliya yığmasının qonağı olub.

hadiseler.info xəbər verir ki, gərgin keçən qarşılaşma meydan sahiblərinin 3:1 hesablı qələbəsi ilə başa çatıb.

İtalyanların heyətində Janluka Skamakka (26-cı dəq.), Rikardo Kalafiori (65-ci dəq.) və Françesko Pio Espozito (87-ci dəq.) fərqləniblər. Türkiyə millisinin yeganə qolunu isə 61-ci dəqiqədə Aral Şimşir vurub. Bu, Aralın milli komandadakı ilk qolu kimi qeydə alınıb.

Qeyd edək ki, cəzalı olan Arda Gülər və Barış Alper Yılmaz, eləcə də zədəli Can Uzun bu qarşılaşmada iştirak edə bilməyiblər.